"Miwe" türkmen kompaniýasy Gazagystana ýetişen miweleriň eksportyny amala aşyrýar
Dürli miweleriň onlarça tonnasy Gazagystana ugradyldy. Bu önümler Türkmenistanyň Senagatçylar we telekeçiler birleşiginiň agzasy bolan “Miwe” açyk paýdarlar jemgyýeti tarapyndan eksport edilýär. Kompaniýanyň düzümine hersi anyk bir miwäni ösdürip ýetişdirýän "Hemsaýa", "Datly miwe", "Miweli atyz", "Gök bulut" ýaly hojalyk jemgyýetleriniň birnäçesi girýär.
Olaryň bag ekin meýdanlary 1200 gektar meýdany tutýar. Paýdarlar jemgyýetine degişli ýer bölegi Ahal welaýatynyň Kaka etrabynda ýerleşýär. Bu ýyl bagbanlar bişen miweleriň ilkinji hasylyny ýygnadylar, onuň bir bölegi ýerli bazarlara iberildi, galan bölegini geljekde miweleriň tapgyrlaýyn eksportyny amala aşyrmak üçin türkmen kompaniýasy bilen şertnama baglaşan Gazagystan döwleti satyn aldy – diýip, Türkmenistanyň Senagatçylar we telekeçiler bileleşiginiň saýtynda habar berilýär.
Häzirki wagtda “Miwe” kompaniýasynyň baglarynda badam, şetdaly, alma, nektarin we beýleki miwe önümleri ösdürip ýetişdirýär, olaryň nahallary ýokary hasyllylygy bilen tapawutlanýar. Önümiň hil we haryt görnüşiniň saklanmagy üçin ýygnalan hasyl "Mahmal" söwda belgili ýörite gaplara gaplanýar.
ORIENT news
