Türkmenistanyň woleýbolçylary çempiony ýeňip, CAVA çempionatynda çykyşy tamamladylar
Türkmen woleýbolçylary Merkezi Aziýa woleýbol birleşmesiniň milletler Kubogynda (CAVA) erkekleriň toparlarynyň arasynda çykyşy tamamladylar.
Tamamlaýjy tapgyrda olar ýaryşyň ýeňijisi bolan Eýranyň toparyny 3:2 hasabynda ýeňdiler. Jemi, eýranlylar 16 oçko ýygnadylar, ikinji ýerde — ýaryşyň eýeleri, Gyrgyzstanyň wekilleri. Mongoliýadan gelen türgenler bürünç medaly gazandylar.
Ozal Türkmenistanly woleýbolçylar 3:1 hasabynda Nepalyň ýygyndysyndan üstün çykmagy başarypdylar.
Erkekleriň toparlarynyň arasyndaky Merkezi Aziýa woleýbol birleşmesiniň milletler Kubogy (CAVA) Çolpon-Atada 18-nji iýundan 25-nji iýun aralygynda geçdi. Oňa Türkmenistandan, Eýrandan, Mongoliýadan, Nepaldan, Özbegistandan toparlar gatnaşdylar. Gyrgyzstan bu ýaryşa iki topar bilen wekilçilik etdi.
ORIENT habarlar
