Eýranyň futbol boýunça milli ýygyndy topary Özbegistany ýeňdi we CAFA-2023- iň ýeňijisi boldy
Eýranyň futbol boýunça milli ýygyndy topary CAFA -2023 – Merkezi Aziýa Futbol Assosiasiýasynyň Milletler Kubogynyň soňky tapgyrynda Özbegistanyň ýygyndy toparyndan üstün çykmagy başardy.
Daşkentdäki “Bunyodkor” stadionynda 34 000 tomaşaçynyň gatnaşmagynda geçirilen duşuşyk 1:0 hasabynda Eýran toparynyň peýdasyna tamamlandy. Oýnuň dowamynda garşydaş toparyň derwezesinden geçirilen ýeke-täk goluň awtory eýranly türkmen futbolçysy - Serdar Azmun.
Oýnuň 48-nji minudynda nemes "Baýer" toparynyň oýunçysy Mehdi Tareminiň geçiren pökgüsini 11 metr aralykdan derwezä salmagy başardy. Özbek toparynyň hasaby deňlemek ugrundaky synanyşyklary şowsuz boldy, hasap - 1:0.
Oman we Gyrgyzystanyň milli ýygyndy toparlarynyň bürünç medallar ugrundaky duşuşygy Orta Gündogar ýurdunyň futbolçylarynyň ýeňşi bilen tamamlandy.
Ýeke-täk gol oýnuň 71-nji minudynda Arşad Al Alawiniň tagallamalry arkaly mümkin boldy. tarapyndan ýeke-täk pökgi geçirdi.
CAFA Milletler Kubogy-2023 ýaryşynyň 10-20-nji iýunda Daşkentde we Bişkekde ýedi toparyň: Türkmenistanyň, Owganystanyň, Eýranyň, Gyrgyzystanyň, Omanyň, Täjigistanyň we Özbegistanyň ýygyndylarynyň gatnaşmagynda geçirilendigini ýatlatmak isleýäris.
ORIENT news
