Täjigistanyň ilçisi Şarifzoda Aşgabatdaky diplomatik işini tamamlaýar
Täjigistanyň ilçisi Farruh Homiddin Şarifzoda Aşgabatdaky diplomatik işini tamamlaýar we bu sebäpli penşenbe güni Türkmenistanyň Daşary işler ministrligine baryp, kärdeşlerine özara peýdaly döwletara gatnaşyklary giňeltmekde berýän goldawy we ýardamy üçin minnetdarlyk bildirdi.
Ýurdumyzyň Daşary işler ministri Raşid Meredow ilçä türkmen-täjik gatnaşyklarynyň ösmegine goşan goşandy üçin minnetdarlyk bildirdi, şeýle hem iki ýurduň arasynda syýasy-diplomatik, söwda we ykdysady hyzmatdaşlyk ýaly ugurlar boýunça hyzmatdaşlygyň geljegi barada pikir alyşdy.
Türkmenistan bilen Täjigistanyň arasyndaky ikitaraplaýyn hyzmatdaşlyk ýokary derejä ýetdi - diýip, Meredow Prezident Serdar Berdimuhamedowyň şu ýylyň maý aýynda Duşanbe şäherine eden döwlet saparynyň möhüm ähmiýetini belledi, şol döwürde geçirilen gepleşikler iki ýurduň arasynda dostlukly we konstruktiw dialogyň mundan beýläk-de ösmegine täze itergi berdi – diýlip, türkmen Daşary syýasat edarasynyň habarynda bellenilýär.
Prezident Emomali Rahmonyň 31-nji maýdaky karary bilen Täjigistanyň Türkmenistandaky täze ilçisi wezipesine Wafo Niýatbekzoda bellendi.
Ozal Niýatbekzoda Täjigistanyň Daşary işler ministrliginiň Strategiki barlag bölüminiň başlygy bolup işledi. Daşary işler ministrliginiň Maglumat we metbugat bölümine ýolbaşçylyk etdi. Soňky ýyllarda Daşary işler ministrliginiň syýasy derňew we programmirleme bölüminiň başlygy, şeýle hem Täjigistanyň Owganystandaky ýörite wekili bolup işledi.
ORIENT news
