Sian “Merkezi Aziýanyň bäş ýurdy” ady bilen talyplary taýýarlamak we olara bilim bermek boýunça maksatnamany ýola goýdy
Merkezi Aziýadan zehinli ýaşlary Siýanda okamaga çekmek, şeýle hem Sianyň MA sebitindäki bilim täsirini we özüne çekijiligini ýokarlandyrmak maksady bilen, Sianyň Ylym we tehnologiýalar uniwersitetiniň Ýokary Tehnologik kolledži “Merkezi Aziýanyň bäş ýurdy” atly ýörite talyp hakly maksatnama boýunça 2023-nji ýylyň güýzünde resmi kabul edişlige başlaýar. Bu barada Hytaýyň Huayu Education Network bilim hyzmatlary platformasynyň saýtynda habar berilýär.
Kolledž tebigy ylymlary, inženerçilik, dolandyryş, edebiýat, sungat ýaly ylmyň beýleki ugurlaryny öz içine alýan bakalawr maksatnamasy we kiçi kurslar boýunça 48 hünäri hödürleýär.
2003-nji ýylda bu kolledž halkara alyş-çalyşlaryna we daşary ýurtly talyplary taýýarlamaga başlady, şeýle hem ol köp sanly daşary ýurt uniwersitetleri bilen alyş- çalyş we jebis hyzmatdaşlygy alyp barýar. 2014-nji ýylyň iýul aýynda bu bilim ojagynda esasan hytaý dilini we hytaý medeniýetini öwretmegi üpjün edýän Halkara hytaý bilim okuw we barlag bölümi we Daşary ýurt hytaý bilim barlag merkezi döredildi.
ORIENT news
