Türkmen türgeni agyr atletika boýunça Gawananyň Gran-prisiniň kümüş baýragynyň eýesi boldy
Türkmen ştangaçysy Gaýgysyz Töräýew agyr atletika boýunça Kubanyň paýtagtynda geçirilýän Gawananyň Gran-prisiniň kümüş medalyny gazandy.
On dokuz ýaşly türgen 81 kg çenli agram derejesinde ýaryşyň wise-çempiony boldy. Agyr atletikanyň iki görnüşiniň jemleri boýunça Töräýew - 319 kg (144+175) netije görkezdi, şeýdip birinji orny Indoneziýadan gelen Abdulla Rahmat Erwine berdi, onuň jemi agramy - 358 kg deň boldy (156+202). Liderleriň üçlügini Kanadanyň wekili Samýuel Guertin – 313 kg (140+173) jemledi.
Bu ýaryşda türkmen ýygyndysyna üç türgen wekilçilik edýär, şol sanda Olimpiada-2020-niň 59 kg agram derejesindäki kümüş baýragynyň eýesi Polina Gurýewa hem wekilçilik edýär. Ýurduň taryhyndaky ilkinji olimpiýa baýragynyň eýesi 15-nji iýunda Gawananyň meýdançasyna çykar.
Agyr atletikanyň halkara federasiýasynyň (IWF) Gran-prisi — 8-nji iýunda başlanan olimpiýa seçimleriniň bir tapgyrydyr. Bu ýaryş 2024-nji ýylda geçiriljek Olimpiada gatnaşyjylary kesgitlemek üçin reýtingdäki ýerler üçin göreşjek 70-den gowrak ýurtdan dört ýüzden gowrak ştangaçyny ýygnady. Ýaryş 18-nji iýunda tamamlanar.
Artur PETROSÝANS
