Seýdi şäherinde geçirilen seminarda bagbançylyk, ýyladyşhana ekerançylygy we suwarymly oba hojalygy pudagynda innowasion çemeleşmeler ara alnyp maslahatlaşyldy.
Lebap welaýatynyň Seýdi şäherinde synag sebtinde ýer we suw baýlyklaryny tygşytly peýdalanmak üçin usullary we tehnologiýalary ulanmak, şeýle hem howanyň üýtgemegi we biodürlüligi gorap saklamak şertlerinde ýerden peýdalanmagy meýilleşdirmek arkaly alternatiw girdeji çeşmelerini almak boýunça seminar geçirildi.
Duşuşykda BMGÖM-yň we Türkmenistan hökümetiniň öňki bilelikdäki taslamalarynyň tejribesinden bagbançylyk, ýyladyşhanalar we suwarymly oba hojalyk pudagynda durnukly tejribe we innowasiýa çemeleşmeleri hödürlendi. Şeýle hem, hünärmenler, topragy başyndan işläp bejermegiň usullaryny, lazer tekizlemegiň artykmaçlyklaryny we biodökünleri öndürmegiň ugurlaryny görkezdiler.
Maslahata hususy pudagyň, agrosenagat toplumynyň wekilleri, Dargan- ata we Dänew etrap häkimlikleriniň oba hojalyk, welaýat we etrap derejesinde suw serişdelerini dolandyrmak boýunça hünärmenler, taslamanyň synag welaýatynyň daýhanlary we maldarlary, şeýle hem agrosenagat toplumynyň hünärmenleri we Amyderýa döwlet tebigy goraghanasynyň işgärleri gatnaşdy.
Bu seminar, BMGÖM tarapyndan Türkmenistanyň Oba hojalygy we daşky gurşawy goramak ministrligi bilen bilelikde durmuşa geçiren «Köp peýdalar üçin Aral deňziniň basseýninde ýer baýlyklaryny we ýokary tebigy gymmatlyklary gorap saklamak we durnukly dolandyrmak» taslamasynyň çäginde gurnaldy.
ORIENT news
