“Bouygues Turkmen” kompaniýasynyň Aşgabatdaky baş ofisi gün panellerini oturtdy
“GreenLight” strategiýasyna laýyklykda, “Buig Turkmen” kompaniýasy kömürturşy gazyň zyňyndylaryny azaltmak boýunça maksatlaryna ýetmek üçin birnäçe çäreleri durmuşa geçirýär. Uglerodyň ýaramaz täsirini azaltmakda möhüm görkezijileriň biri binalaryň energiýa netijeliligi we gaýtadan dikeldilýän energiýa çeşmeleriniň peýdalanylmagydyr.
Ýakynda Aşgabatdaky “Buig Turkmen” kompaniýasynyň baş ofisiniň çäginde umumy kuwwaty 62 kWt bolan 114 gün modulyndan ybarat elektrik bekedi gurnaldy.
Bu desganyň her ýyl 80 MWt/sag arassa elektrik energiýasyny öndürmegine we CO2 ekwiwalentinde parnik gazlarynyň zyňyndylaryny ýylda 55 tonna çenli azaltmagyna garaşylýar. Kompaniýa geljekde öz ofislerinde we çäklerinde gün energiýasyna ýyllyk maýa goýumlaryny meýilleşdirýär.
“Buig Turkmen” kompaniýasy Türkmenistanda energiýa tygşytlaýan binalar pudagynda öňdebaryjydyr. 2012-nji ýylda kompaniýanyň baş edara binasy halkara LEED Gold şahadatnamasyna eýe boldy. Binanyň durmuş üpjünçilik ulgamlarynyň hemmesi awtomatiki usulda işleýär we energiýany hem-de suwy tygşytly ulanmaga mümkinçilik berýär.
ORIENT news
