HOK Halkara olimpiýa gününde aýratyn türgenleşik geçirer
Her ýylyň 23-nji iýunynda bellenip geçilýän Halkara olimpiýa gününe bagyşlap Halkara olimpiýa komiteti (HOK) ähli isleg bildirýänleri gyzykly 30 minutlyk aýratyn türgenleşige çagyrýar.
Onlaýn-türgenleşik 23-nji iýunda HOK-niň resmi saýtynda we onuň sosial torlardaky sahypalarynda elýeterli bolar.
Oňa ispan basketbolçysy Pau Gazol, amerikan sprinteri Ellison Feliks, Awstraliýadan welosipedçi Logan Martin, suwda ýüzüji Ýusra Mardini we beýleki meşhur türgenler goşularlar.
Bu ýyl birinji Halkara olimpiýa gününe 75 ýyl dolýar. Ony 130 sany HOK belläp geçer. Çärelere bäş milliona golaý adamyň gatnaşmagyna garaşylýar.
Halkara olimpiýa gününiň şunuň ýaly giň gerimde bellenilmegi Ýeriň ýaşaýjylarynyň barha köpüsiniň olimpiýa ruhuny ýokary sarpa goýýandyklaryny we kämillige, dostluga we hormat goýmaklyga ymtylmak ýaly olimpiýa gymmatlyklaryny paýlaşýandyklaryny aňladýar.
Bu ýylky Olimpiýa gününiň şygary şeýledir: «Geliň hereket edeliň!», ýa-da #LetsMove.
ORIENT habarlar
