ÝTÖB türkmen kärhanalaryny tejribelik maksatnamasyna gatnaşmaga çagyrýar
Ýewropanyň Täzeleniş we ösüş banky kiçi we orta telekeçilik üçin tejribeligiň innowasion maksatnamasyna badalga berilýändigini yglan edýär. Şunuň bilen baglylykda, ähli gyzyklanýan kompaniýalary oňa gatnaşmaga çagyrýar.
Maksatnama kärhanalara Türkmenistandaky iň gowy talyplaryň we hünärini kämil bilýän ýaşlaryň binýadyna elýeterliligi hödürleýär.
Şeýlelikde, maksatnamany ýerine ýetirmegiň çäklerinde bilermenler tarapyndan dalaşgärleriň başarnyklaryna, degişli bilimlerine görä dykgatly saýlap almaklyk geçirilýär. Soňra seçilip alnan adamlar täze iş gurşawyna gowy uýgunlaşmak üçin okuw geçerler.
Maksatnamanyň ajaýyplygy kärhananyň işgärleriniň hünäri ýokarlandyrmak boýunça tölegsiz okuwy geçýänligidir, şeýle hem tejribelik geçýänler bilen işiň usulyýetini özleşdirmekleridir.
Işe hakyna tutulmazdan öňürti kompaniýa onuň hünär başarnyklaryna göz ýetirmek üçin geljekdäki işgäri «synag edip» görüp biler.
Tejribeligiň maksatnamasyna gatnaşmak üçin 2023-nji ýylyň 20-nji iýunyna çenli ýüz tutmany doldurmaly.
Ýewropa Birleşigi tarapyndan maliýeleşdirilýän tejribeligiň maksatnamasyna gatnaşmak tölegsizdir.
ORIENT habarlar
