Mejlisiň başlygy ÝHHG-nyň Milli azlyklaryň işi boýunça Ýokary Komissary bilen duşuşyk geçirdi
Türkmen parlamentiniň başlygy Dünýägözel Gulmanowa ÝHHG-nyň Milli azlyklaryň işi boýunça Ýokary Komissary Kaýdar Abdyrahmanow bilen duşuşyk geçirdi, onuň barşynda bilen ikitaraplaýyn hyzmatdaşlygyň meseleleri ara alnyp maslahatlaşyldy.
Bu barada Abdyrahmanowyň Ýewropada howpsuzlyk we hyzmatdaşlyk guramasynyň wekiliýetine baştutanlyk etmeginde Türkmenistana saparynyň barşynda belli boldy – diýip, TDH habar berýär.
Resmi wekil Türkmenistanyň ýolbaşçylarynyň üstünlikli syýasatyny we hökümet bilen bu halkara düzüminiň syýasy, ykdysady, ekologiki we ynsan ölçeglerinde hyzmatdaşlygyň netijeliligini belledi.
Şeýle hem taraplar bilim we ylym babatynda hyzmatdaşlyga degişli meseleler boýunça pikir alyşdylar. Bu jähtde daşary ýurt dilleriniň öwrenilmeginiň sebitara we döwletara gatnaşyklaryny ösdürmekde esasy ähmiýete eýedigi aýdyldy.
Ýokary Komissar ÝHHG-nyň mundan beýläk-de Türkmenistan bilen hyzmatdaşlygy pugtalandyrmagy dowam etdirmäge ymtylýandygyny we onuň bilen halkara hukugynyň kadalarynyň ýurduň milli kanunçylygyna ornaşdyrylmagy babatynda işlejekdigini tassyklady. ÝHHG-nyň Milli azlyklaryň işi boýunça Ýokary Komissarynyň saparynyň çäklerinde DIM-de, birnäçe ministrliklerde we edaralarda duşuşyklar meýilleşdirilendir.
ORIENT habarlar
