Türkmen bilýardçylary Russiýada geçiriljek dünýä çempionatynda çykyş ederler
Türkmenistanyň bilýard boýunça milli ýygyndysy 12-17-nji iýunda Surgutda geçiriljek bilýard sporty boýunça dünýä çempionatyna gatnaşar. Bu barada ORIENT-iň habarçysyna ýurdumyzyň Bedenterbiýe we sport baradaky döwlet komitetinde habar berdiler.
Bäş günüň dowamynda sekiz adamdan ybarat türkmen bilýardçylary “Erkin piramida” görnüşi boýunça dünýä çempionatynyň baýraklary ugrunda göreşerler. Batyr Aşyrowyň ýolbaşçylygyndaky milli ýygyndynyň düzümine türgenler Annamämmet Annamämmedow, Aşyr Aşyrow, Eziz Ataýew, Kadyrberdi Çaryýew, Batyr Geldiýew, Aziz Durdyýew, Begenç Jumagylyjow we Ahmet Sahatow dagylar girýär.
Bilyard boýunça dünýä çempionatynda 24 ýurtdan ýüzden gowrak türgen ýaryşar. Türkmenistandan, Alžirden, Germaniýadan, Müsürden, Ysraýyldan, Yrakdan, Marokkodan, Serbiýadan, Türkiýeden we beýleki ýurtlardan milli çempionatlaryň ýeňijileri Surgut şäherine bararlar.
Artur PETROSÝANS
