Agyr atletika boýunça dünýä Çempionaty Bahreýnde geçiriler
Bahreýn Patyşalygy 2024-nji ýylda agyr atletika boýunça dünýä Çempionatyny geçirmäge hukuk aldy. Bahreýn bilen birlikde, Ermenistan we Albaniýa Çempionaty geçirmäge dalaşgär ýurtlar hökmünde çykyş edipdiler.
Bildirilen bu ynam üçin ýurduň Agyr atletika federasiýasynyň prezidenti, Aziýa Agyr atletika federasiýasynyň iň ýaş agzasy Eshak Ebrahim Eshak Halkara Agyr atletika federasiýanyň ýolbaşçylaryna hoşallygyny bildirdi we ýatdan çykmajak oýunlaryň guraljakdygyna ynandyrdy.
Çempionaty geljek ýylyň noýabr – dekabr aýlarynda, Pariž şäherinde geçiriljek Olimpiýa oýunlaryndan birnäçe aý soň, Bahreýniň paýtagty Manama şäherinde geçirmek meýilleşdirilýär.
Halkara Agyr atletika federasiýasy geçen ýyl Bahreýnde geçirilen Agyr atletika boýunça Aziýa birinjiliginiň geçirilişine ýokary baha berdi.
Şonda Halkara Agyr atletika federasiýasynyň prezidenti Mohamed Jalud Al-Şammari ýurduň şu sport görnüşi boýunça dünýä Çempionatyny geçirmäge ähli mümkinçliginiň bardygyny belledi.
