Gyrgyzystanda okaýan daşary ýurtly talyplaryň sany boýunça Türkmenistan öňdäki orny eýeledi
2022 – 2023-nji okuw ýylynyň maglumatlaryna görä, Gyrgyzystanyň ýokary okuw mekdeplerinde dürli hünär ugurlary boýunça türkmenistanly ýaşlaryň 64-si bilim alýar. Bu görkeziji bilen Türkmenistan Gyrgyzystanda bilim alýan daşary ýurtly raýatlaryň sany boýunça ilkinji onluga girdi. Bu barada Gyrgyzystanyň Milli statistika komitetine salgylanyp, 24.kg internet neşiri mälim edýär.
Degişli okuw ýylynda Gyrgyz Respublikasynda daşary ýurtly raýatlaryň 71,7 müňüsi bilim alýar. Olaryň ýarysyndan gowragyny (43 müň talyp) GDA agza döwletleriň ýaşlary, şonuň 40,2 müňüsini bolsa özbegistanly ýaşlar düzýär. Hinsdistanly ýaşlar bu sanawda ikinji orny eýeläp, bu ýurtda olaryň 15,3 müňüsi bilim alýar.
Gyrgyzystanda bilim alýan daşary ýurtlularyň sany boýunça Gazagystanyň, Russiýanyň, Täjigistanyň, Türkiýäniň, Hytaýyň, Owganystanyň we Pakistanyň raýatlary hem ilkinji onluga girýärler.
Gyrgyzystan Merkezi Aziýa sebitinde daşary ýurtlularyň iň köp bolýan ýeri hasaplanýar. Bu ýurtda talyplardan daşary, 22 müň sany daşary ýurt raýaty ýaşaýar.
