HPG Almatyda Merkezi Aziýa ýurtlary üçin mümkinçilikleri ösdürmek merkezini açdy
Kawkaz, Merkezi Aziýa we Mongoliýa ýurtlary üçin Halkara Pul Gaznasynyň (HPG) mümkinçilikleri ösdürmek boýunça sebit merkezi 9-njy iýunda Almaty şäherinde açyldy. Gazagystan edarasy dünýädäki şular ýaly merkezleriň 17-sinden biri bolup, HPG-nyň işini birbada dokuz döwletde: Ermenistanda, Azerbaýjanda, Gruziýada, Gazagystanda, Gyrgyzystanda, Mongoliýada, Täjigistanda, Türkmenistanda we Özbegistanda utgaşdyrar diýip, Tengrinews.kz habarlar berýär.
Dabara HPG-nyň dolandyryjy müdiri Kristalina Georgiýewa we Gazagystan Respublikasynyň Milli Bankynyň başlygy gatnaşdy.
«Biz bu ýurtlar, dürli ykdysady mümkinçilikler we kynçylyklar bilen öňe barýarka, takmynan 100 million ilatly bu dürli we depginli sebitde agza döwletlerimizi goldamak üçin bu merkezi açýarys. Merkez agza ýurtlara býujet, pul we maliýe syýasaty, şeýle hem statistika ýaly ugurlarda inkýuziw ösüşi goldaýan has durnukly syýasatlary we institusional esaslary ösdürmäge kömek eder», - diýip habar agentligi Kristalina Georgiýewanyň açylyşdaky sözlerine salgylanýar.
Şeýle hem ol, Merkeziň üstünlikleriniň ähli agza ýurtlaryň işine doly ygrarlylygyna we gatnaşmagyna baglydygyny belledi. Maliýeleşdirme HPG, şeýle hem merkez tarapyndan gözegçilik ediljek gatnaşyjy ýurtlar: Gazagystan, Özbegistan, Ermenistan, Gruziýa, Azerbaýjan hem-de hyzmatdaşlar - Şweýsariýa, Russiýa, Hytaý, Günorta Koreýa we ABŞ, Aziýa Ösüş banky we Polşa tarapyndan üpjün edilýär.
ORIENT news
