Türkiýäniň Merkezi bankyna ilkinji gezek zenan başlyk bellendi

Iýun 09, 2023 | 17:12 |10760

Türkiýäniň Prezidenti Rejep Taýyp Ärdogan Hafize Gaýe Erkany ýurduň Merkezi bankyna ýolbaşçy belledi. Ol bu wezipä bellenen ilkinji zenan boldy.

1982-nji ýylda doglan Hafize Gaýe Erkan 2001-nji ýylda Stambul şäherindäki Bosfor uniwersitetini tapawutlanan diplom bilen tamamlady. Täze bellenen zenan ýolbaşçy maliýe inžiniring temasyndan ýazan doktorlyk ylmy işini Amerikanyň Birleşen Ştatlarynda ýerleşýän Prinston uniwersitetinde üstünlikli gorady.

Erkan şeýle hem dünýä belli Garward we Stenford uniwersitetlerinde okap, maliýe ugrundan goşmaça bilimleri aldy.