Türkmenistan Bakuda serhet goşunlarynyň ýolbaşçylarynyň mejlisine gatnaşdy

Iýun 08, 2023 | 23:19 |5779

Bakuda GDA ýurtlarynyň döwlet serhetlerinde durnuklylygy üpjün etmek ara alnyp maslahatlaşyldy. Azerbaýjanyň paýtagtynda arkalaşygyň ýurtlarynyň Serhet goşunlarynyň serkerdeler geňeşiniň 86-njy mejlisi geçirildi – diýip, “Sputnik Azerbaýjan” habar berýär.

Duşuşyga Azerbaýjanyň, Ermenistanyň, Belarusyň, Gazagystanyň, Gyrgyzystanyň, Russiýanyň, Täjigistanyň, Türkmenistanyň we Özbegistanyň wekilleri gatnaşdy. Taraplar işgärleri taýýarlamak we bilelikdäki türgenleşikleri geçirmek boýunça hyzmatdaşlygy ara alyp maslahatlaşdylar.

Mejlisiň barşynda Serkerdeler geňeşiniň ýakyn we orta möhletleýin işini meýilleşdirmek meseleleri boýunça 19 resminama gol çekildi.

Indiki mejlis şu ýylyň oktýabr aýynda Ermenistanda geçiriler.

ORIENT news