Gurýewa we beýleki türkmen agyr atletikaçylary Gawanada geçirilýän Olimpiada-2024-iň saýlama tapgyryna gatnaşarlar
Türkmen türgenleri sekizinji iýunda Gawanada (Kubada) başlanjak Agyr atletikanyň halkara federasiýasynyň (IWF) Gran-pri bäsleşigine gatnaşarlar.
ORIENT-iň habarçysyna ýurdumyzyň Bedenterbiýe we sport baradaky döwlet komietinde habar bermeklerine görä, öňde boljak ýaryşa türkmen wekiliýetiniň düzümini dört adam, şol sanda üç türgen düzdi. Erkekleriň toparyna: Gaýgysyz Töräýew we Şatlyk Şöhradow girdiler. Zenanlar derejesinde 2020-nji ýylyň Olimpiýa oýunlarynyň kümüş medalçysy Polina Gurýewa çykyş eder.
Türkmen wekiliýetine milli toparyň baş tälimçisi Mansur Rejepow baştutanlyk eder.
Agyr atletikanyň halkara federasiýasynyň Gran-pri (IWF) bäsleşigi – olimpiýa seçiminiň bir tapgyrydyr. Bu ýaryşda 70-den gowrak ýurtdan dört ýüzden gowrak ştangaçy ýygnanar, olar 2024-nji ýylda geçiriljek Olimpiada gatnaşyjylary kesgitlemek üçin reýtingdäki ýerler üçin göreşerler.
ORIENT habarlar
