Ýaş türkmen küştçileri Batumide geçirilen dünýä çempionatyna üstünlikli başladylar
Ýaş türkmen çempiony Batumide (Gruziýa) geçirilen küşt boýunça dünýä çempionatynda ilkinji oýunlary oýnady. Türkmenistanyň iň oňat 12 küştçisi (6 gyz we 6 oglan) 8 ýaşdan 18 ýaşa çenli ýaş kategoriýalaryna gatnaşýar. Bäsleşik, «çalt» wagt gözegçiligi düzgüni bilen geçirilýär, ýagny onda her oýunça her hereket üçin 10 sekunt goşmak bilen 15 minut berilýär.
Ilkinji oýun gününden soň iki türkmen küştçi derrew 100 göterim netije görkezdi - 3 oýundan 3 nutuk. Olar 8 ýaşa çenli kategoriýadaky Maksat Öwlýagulyýew (entek FIDE tarapyndan baha berilmedik) we 10 ýaşa çenli kategoriýada Alihan Batyrow (çalt reýting: 1733). Beýleki birnäçe küştçi bilen bilelikde Maksat we Alihhan dünýäniň dürli künjeklerinden 62 we 68 gatnaşyjynyň arasynda ýaryş jetwelinde birinji orny paýlaşýarlar.
Ertesi gün, 4-nji tapgyrda, Alihan ýaryşyň iň halanýan reýtingi Amerikaly Itan Guo (çalt reýting: 2011) bilen birinji tagtada oýnar we Maksat 5-nji belgidäki Hindistanyň wekili Şýan Muhammet bilen ýaryşar.
Şeýle hem şu ýylky Aziýa onlaýn çalt çempionatynda kümüş medal gazanan Amanmuhammet Hommadowy (2244) bellemeli. Ol mümkin bolan 3 nutukdan 2,5 nutuk gazanyp, 18 ýaşa çenli kategoriýa gatnaşan 27 gatnaşyjynyň arasynda 3-nji orny eýeleýär. Ertir Karen Towmasýan (1832, Ermenistan) bilen oýnar.
Gyzlaryň arasynda 3 nutukdan 2 nutuk toplap, 6-8-nji orny eýeleýän we 18 ýaşa çenli kategoriýada öňdebaryjy topardan ýarym nutuk yzda durýan Läle Şöhradowany (1926) bellemek bolar.
Çalt ýaryş 11 tapgyrdan ybarat bolup, 8-nji iýunda tamamlanar. 10-njy we 11-nji iýunda bolsa, Batumide, dünýä çempionaty blis düzgünleri bilen geçiriler. Bu ýerde her oýunça her ädim üçin 2 sekunt goşmak bilen 3 minut bölünip berilýär.
Ýaryş wagtynda topary Türkmenistanyň at gazanan tälimçisi Serdar Annaberdiýew we toparyň ýolbaşçysy Sona Jumagulýewa dagylar taýýarlaýar.
ORIENT news
