Belarusda synag düzgüninde GDA ýurtlarynyň II Oýunlary başlandy
Belarusda synag görnüşinde GDA ýurtlarynyň II Oýunlary açyldy – diýip, Belteleradiokompaniýasy habar berýär. Şeýle hem operatiw-utgaşdyryjy merkez işläp başlady.
Iki hepdäniň dowamynda ýaryş düzgüninde diňe bir sport meýdançalary synag edilmän, eýsem işgärleriň adatdan daşary ýagdaýlara dessin jogap gaýtarmak ukyby hem barlanyp görler.
Ýaryşyň öňüsyrasynda sport desgalarynyň aglabasy özgertmeleri başdan geçirýärler. Meselem, Soligorskidäki tennis maneži awgustyň birinji ýarymynda göreşiň üç görnüşi boýunça ýaryşyň geçirilýän ýeri bolar, Orş şäherindäki buzly arenada bolsa boks boýunça ýaryşlar geçiriler. Öz gezeginde, Witebskidäki amfiteatr ýaryşlaryň geçirilýän döwründe taý boksy üçin ring bolup hyzmat eder.
GDA ýurtlarynyň II Oýunlary 2023-nji ýylyň 3-nji awgustdan 15-nji awgusty aralygynda geçer. Ýaryşlaryň geçirilýän mahaly 6 müňden gowrak adamyň kabul edilmegine garaşylýar, olardan 4 müňe golaýy — türgenlerdir.
Ähli sport bäsleşikleriniň düzgünleriniň berjaý edilişine 800 emin gözegçilik eder.
ORIENT habarlar
