Ankarada Türkiýäniň täze Ministrler Kabinetiniň birinji mejlisi geçiriler

Iýun 06, 2023 | 16:34 |7739

6-njy iýunda Ankarada prezident Rejep Taýyp Ärdoganyň başlyklyk etmeginde Türkiýäniň täze Ministrler Kabinetiniň birinji mejlisi geçiriler – diýip, Anadolu agentligi habar berýär.

Mejlisde «Türkiýäniň Ýüzýyllygy» konsepsiýasynyň çäklerinde ýurdy ösdürmegiň ileri tutulýan ugurlaryny ara alyp maslahatlaşarlar.

Duşuşykdan öňürti döwlet baştutany we hökümet agzalary Türkiýe Respublikasyny esaslandyryjy Mustapa Kemal Atatürküň «Anytkabir» mawzoleýine baryp görerler.

Wezipä girişmek dabarasyndan soňra 3-nji iýunda Ärdogan Türkiýäniň esasy ministrleriniň ählisini çalşyp, täze Ministrler Kabinetiniň düzümini mälim etdi. Şunda 17 ministrden diňe ikisi öz wezipelerinde galdylar.

ORIENT habarlar