Türkmenistanda Bütindünýä temmäkisiz gününi bellediler
Her ýylda 31-nji maýda bellenip geçilýän Bütindünýä temmäkisiz güni mynasybetli BSGG-nyň Türkmenistandaky ýurt edarasy ýaşlar maslahatyny geçirdi.
Çäre temmäkini çekmegiň netijelerini, bu howpa garşy göreş çärelerini ara alyp maslahatlaşmagyň meýdançasy boldy. Oňa gatnaşyjylar şeýle hem ýaşlary we çagalary passiw çilim çekmekden nähili goramalydygyny öwrendiler.
Bütindünýä temmäkisiz güni — temmäkini islendik görnüşde sarp etmegi azaltmaga ýardam etmek üçin her ýyl geçirilýän kampaniýadyr. Ol Bütindünýä Saglygy goraýyş guramasy tarapyndan (BSSG) 1987-nji ýylda döredilipdi.
2023-nji ýylyň 31-nji maýynyň temasy — «Temmäkini däl-de, azygy ýetişdireliň». Bu şygar temmäki senagatynyň bütindünýä azyk çökgünliginiň ösmeginde nähili orun eýeleýändigine bagyşlanandyr. Kampaniýa hökümetleri temmäkiniň ösdürilip ýetişdirilmegine pul kömegini bermekden ýüz döndermegiň zerurdygyny ynandyrmaga we tygşytlanan serişdeleri oba hojalyk kärhanalaryna has durnukly ekinleri ýetişdirmäge geçmäge ýardam etmäge gönükdirilendir, şeýlelik bilen azyk howpsuzlygyny pugtalandyrmaga we adamlaryň iýmitlenmegini gowulandyrmaga niýetlenendir.
ORIENT habarlar
