Aşgabatdaky Döwletliler köşgünde terbiýelenýän çagalara baýramçylyk sowgatlary gowşuryldy
Türkmenistanda giňden bellenilýän Çagalary goramagyň halkara güni mynasybetli, Aşgabatdaky Döwletliler köşgünde terbiýelenilýän çagalara Türkmenistanyň Prezidenti Serdar Berdimuhamedowyň adyndan hem-de Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasyndan, şeýle-de jemgyýetçilik guramalary tarapyndan sowgatlar gowşuryldy.
1-nji iýun – Çagalary goramagyň halkara güni mynasybetli, bu ýerde baýramçylyk dabarasy geçirildi, çagalar döredijilik çykyşlaryny we sergilerini taýýarlapdyrlar.
Köşkde terbiýelenýän çagalary gutlamak üçin baýramçylyk dabarasyna döwlet edaralarynyň ýolbaşçylary, jemgyýetçilik guramalarynyň we ýaşuly nesliň wekilleri gatnaşdylar. Olar mähirli gutlag sözlerini aýdyp, bu ýerdäki oglan-gyzlara sowgat toplumlaryny gowşurdylar.
ORIENT news
