Helga Şmid: ÝHHG Türkmenistan bilen dialogy giňeltmek isleýär
Türkmenistanyň Halk Maslahatynyň Başlygy Gurbanguly Berdimuhamedow penşenbe güni ÝHHG-nyň Baş sekretary Helga Şmid bilen duşuşyp, hyzmatdaşlygyň mundan beýläkki ösüşi barada pikir alyşdy.
ÝHHG-nyň başlygy, bitarap döwlet hökmünde parahatçylygy, howpsuzlygy we durnuklylygy üpjün etmekde möhüm goşant goşýan Türkmenistan bilen dialogy giňeltmäge guramanyň ýokary gyzyklanmasyny tassyklady.
Türkmen halkynyň Milli Lideri, ÝHHG-nyň başlygynyň Aşgabata eden bu saparyny Türkmenistan bilen Ýewropadaky Howpsuzlyk we Hyzmatdaşlyk Guramasynyň arasyndaky gatnaşyklarda möhüm tapgyr hasaplaýandygyny belledi.
Şol gün ÝHHG-nyň Baş sekretary Mejlise baryp, Türkmen Parlamentiniň başlygy Dünýägözel Gulmanowa bilen duşuşdy.
Duşuşygyň esasy mowzugy, konstruktiw özara gatnaşyklary ösdürmek, ýurtlar bilen halklaryň arasyndaky dostlugy hem-de özara düşünişmegi güýçlendirmek üçin möhüm ýol hökmünde parlamentara gepleşikleriň güýçlendirilmegi boldy.
Saparyň dowamynda Helga Şmid Türkmenistan Ministrler Kabinetiniň ýanyndaky Ulag we kommunilasiýalar agentliginiň müdiri Mämmethan Çakyýew bilen hem gepleşik geçirdi.
Taraplar üstaşyr we ulag pudagynda hyzmatdaşlygyň ýagdaýyna we geljegine, şol sanda Ýewropanyň standart EcoPorts güwanamasyny alan Türkmenbaşy deňiz portunyň ýük gatnawyny artdyrmak mümkinçiligine garady.
ORIENT news
