Tesla Model Y dünýäde iň köp satylýan awtoulag boldy
Tesla Model Y elektrik krossoweri 2023-nji ýylyň birinji çärýeginde dünýäde iň köp satylýan maşyn boldy – diýip, The Verge neşiri habar berýär.
Şeýlelikde, üstümizdäki ýylyň ilkinji üç aýynda Tesla bütin dünýä boýunça Model Y awtoulaglarynyň 267 müňüsini satdy. Bu geçen ýylyň degişli döwri bilen deňeşdireniňde 69% köpdür.
Toyota kompaniýasy tarapyndan öndürilýän kiçi awtoulag – Toyota Corolla kysymy 256,4 müň birlik bilen ikinji ýeri eýeledi. Orta ölçegli pikap Toyota Hilux üçünji boldy, bu ulagyň 214,7 müň sanysy dünýäniň ençeme ýurtlaryna ýaýrady.
Çeşmäniň habar bermegine görä, Model Y Teslanyň baştutany Ilon Mask tarapyndan edilen çaklamany ödeýär. Entek ara alnyp maslahatlaşylýan model çykarylyp başlanmanka 2016-njy ýylda ol bu ulagyň her ýylda 500 müňden 1 milliona çenli tiraž bilen satyljakdygyny beýan edipdi.
Iň gowy bäşligiň içine şeýle hem Toyota RAV4 we Toyota Camry kysymlary girdiler, olar ýapon awtoulag gurluş korporasiýasyny dünýädäki iň öndürijilikli awtoulag önümçiligidigini ykrar etdiler.
ORIENT habarlar
