Türkmenistan Kazanda geçiriljek bilim ministrleriniň halkara forumyna gatnaşar
7-nji iýundan 9-njy iýuna çenli Kazanda bilim ministrleriniň Halkara forumy geçiriler, oňa 20-den gowrak ýurtdan, şol sanda Türkmenistandan bilim ulgamynyň ýolbaşçylary gatnaşarlar. Bu barada TASS Russiýa Federasiýasynyň Bilim ministrliginiň metbugat gullugyna salgylanmak bilen habar berýär.
Gatnaşýan ýurtlaryň arasynda Müsür, Senegal, Mali, Zimbabwe, Merkezi Afrika Respublikasy, Siriýa Arap Respublikasy, BAE, Pakistan, Mýanma, Şri-Lanka, Kuba, Wenesuela, Belarus, Gyrgyzystan, Täjigistan, Gazagystan we beýlekiler hem yglan edildi.
Habarda: "Forumyň dowamynda oňa gatnaşyjylar bilimiň ykdysady ösüşdäki orny, ýokary hilli bilimiň elýeter bolmagy, ýaşlar bilen işlemek, çagalaryň dynç alşy, saglyk mümkinçilikleri çäklendirilen çagalar bilen işlemek, beýleki ýurtlarda rus dilini öwretmek ýaly meseleleri ara alyp maslahatlaşarlar" diýlip bellenilýär.
Forum Başir Rameýew adyndaky tehnoparkda geçiriler.
ORIENT news
