Saglyk we dostluk üçin ylgaw: #Runylga marafony Aşgabadyň ýaşaýjylaryny birleşdirdi
Ýewropa Birleşiginiň Türkmenistandaky wekilhanasy taraplaryň arasynda diplomatiki gatnaşyklaryň ýola goýulmagynyň 30 ýyllygyna bagyşlanan sport çäreleriniň birnäçesini geçirdi.
Aşgabat stadionynda geçen çäre #Runylga atly ylgawy we Türkmenistanyň Futbol federasiýasy bilen bilelikde guralan çagalaryň arasynda mini-futbol boýunça ýaryşy öz içine aldy.
Runylga marafony dürli ýaş derejelerindäki ýüzlerçe adama 3 km, 10 km, 15 km we 20 km aralyklara ylgamakda öz güýjüni synamaga mümkinçilik berdi. Maýyl, gaty yssy bolmadyk güneşli howa tutuş çäräniň dowamynda marafona gatnaşyjylar bilen boldy. Uly bolmadyk sowgatlar belli bir aralygy ylgap geçendigi üçin ylgawçylar üçin goşmaça höwes döretdi.
Gurnaýjylar ORIENT bilen söhbetdeşlikde bu çäräni guramak arkaly öz öňlerinde ýeňijini kesgitlemek wezipesini goýmandyklaryny, diňe sagdyn durmuş ýörelgesi üçin çykyş etmek isländiklerini bellediler.
Türkmen blogerleriniň birnäçesi çärä gyzyklanma bildirdiler. Olaryň biri —Muhammet Berdiýew ylgawyň bilelikdäki guramaçysy boldy. Marafon wagtynda ol ädimleri ýasaýjynyň wezipesini ýerine ýetirdi, tutuş çäräniň dowamynda onuň depginini artdyrdy.
Wakalaryň gidişine gapdaldan seredýän tomaşaçylar üçin ylgaw irräk turmak we irdenki ylgawa çykmak, we indiki marafona gatnaşmak üçin höweslendirme boldy.
Dört topar bir wagtda çagalaryň arasynda mini-futbol boýunça geçirilen tutluşykda bir ýere geldiler. Ýaryşyň jemleri boýunça olimpiýa ätiýaçlygynyň çagalar-ýetginjekler sport mekdebiniň «Diýar» kluby ýeňiş gazandy.
Çäre tamamlanandan soňra oňa gatnaşanlaryň ählisi şahadatnamalar we ýaryşy gurnaýjylar tarapyndan ýadygärlik sowgatlar bilen sylaglandylar.
Artur PETROSÝANS
