TT Meridian Aşgabadyň üsti bilen Beýik Britaniýa bilen Wýetnamyň arasyndaky uçuşlaryň artdyrylmagy ugrunda çykyş etdi
TT Meridian halkara logistika we söwda kompaniýasy «Türkmenistan» uçar kompaniýasynyň Beýik Britaniýa bilen Wýetnamyň arasyndaky ýük gatnatma uçuşlarynyň artdyrylmagy ugrunda çykyş etdi – diýip, Air Cargo Week habar berýär.
«Beýik Britaniýa bilen Wýetnamyň arasyndaky üstaşyr nokady hökmünde Türkmenistanda duralganyň tiz wagty, şeýle hem bäsdeşlige ukyply uçar daşamalary ekspeditorlara, ýük ugradyjylara we ýüki kabul edip alyjylara häzirki çylşyrymly ykdysady döwürde goldaw berer diýip hasap edýäris» - diýip, kompaniýanyň wekilleri beýan etdiler.
Şeýle hem TT Meridian şuňa meňzeş uçuşlaryň ýygylaşmagyna umyt bildirdi. Raýat awiasiýasynyň Halkara guramasy (ИКАО) hem şuňa meňzeş ýagdaýda çykyş edýär.
Türkmenhowaýollarynyň uçuşlarynyň Beýik Britaniýanyň we Wýetnamyň arasyndaky eksport-import amallaryna islegi köp zatda kanagatlandyrar diýip guramada hasap edýärler.
ORIENT habarlar
