Türkmenistanyň we Özbegistanyň gümrük bilermenleri söwda statistikasynyň döredilmegini ara alyp maslahatlaşdylar
Türkmenistanyň we Özbegistanyň gümrük gulluklarynyň bilermenleri daşary söwda statistikasynyň maglumatlarynyň emele gelişini, şeýle hem bu babatda hyzmatdaşlyk etmegiň mundan beýläkki mehanizmlerini ara alyp maslahatlaşdylar – diýip, Türkmenistanyň Döwlet gümrük gullugynyň saýty habar berýär.
Duşuşyk Buharada boldy we iki gullugyň arasyndaky Türkmenistanyň we Özbegistanyň harytlarynyň hereketi baradaky maglumaty alyşmak hakyndaky teswirnamanyň çäklerinde guraldy.
Statistiki maglumatlaryň düzüliş usulyýeti BMG-niň Statistika bölüminiň resminamalaryna daýanar. Hünärmenler 2022-nji ýyl üçin söwda maglumatlarynyň toplumlaýyn gözden geçirilişini geçirdiler.
Statistika maglumatlarynyň gabat gelmezliginiň esasy faktorynyň harydyň üçünji ýurtlara gaýtadan eksport edilmegi, harytlar deklarirlenende dürli klassifikasiýa kodlarynyň ulanmagy bolup durýandygy kesgitlendi.
ORIENT habarlar
