Microsoft Windows-iň gapdal paneline emeli intellektli kömekçini gurnar
Microsoft kompaniýasy adamlaryň nähili işleýändigini we kompýuter bilen özara gatnaşyga girýändigini üýtgedip, emeli intellektiň tehnologiýasyny öz önümlerine has çuňňur ornaşdyrmagy dowam edýär.
Eýýäm iýunda Windows 11-e EI-iň kömekçisi giriziler, ol ulanyjylara islendik soraga jogap tapmaga, kompýuterde prosessleri başlatmaga we resminamalar bilen işlemäge kömek eder.
Windows Copilot (ikinji pilot) programmasy operasion ulgamyň gapdal paneline oturdylar, ol ýerden ulanyjylar adatça täze gelen habarnamalary dolandyrýarlar.
Microsoft-yň tanyşdyrylyş roliginde EI-e sorag berýärler: «Men işi gowy ýerine ýetirmek üçin öz ulgamymy nähili kadalaşdyryp bilerin?» Jogap edip emeli intellekt habarnamalaryň wagtlaýynça öçürilendigi sebäpli, Windows-e oturdylan ünsi gönükdiriji programmadan peýdalanmagy teklip edýär, şeýle hem «Garaňky tema» geçmegi teklip edýär, ol gözleriň dartgynlylygyny azaldýar we ünsi gowy jemlemäge kömek edýär.
Copilot ulanyjylara dürli formatlardaky resminamalar bilen işlemäge— olaryň manysyny düşündirmäge, başgaça sözler bilen ýazmaga ýa-da gysga mazmuny bermäge kömek eder.
ORIENT habarlar
