Türkiýäniň daşary ýurtlardaky wekilhanalarynda prezident saýlawlarynda ses bermek tamamlanýar
Ýurduň prezidentiniň saýlawlarynyň ikinji tapgyrynyň çäklerinde ses bermek Türkiýäniň daşary ýurtlardaky wekilhanalarynda soňlanyp barýar - diýip, Anadolu agentligi habar berýär.
Türkiýäniň Ýokary saýlaw toparynyň maglumatlaryna görä, 24-nji maýda sagat 10:00-daky ýagdaýa görä ýurduň daşynda hasaba alnan 3 mln 423 müň 759 saýlawçydan daşary ýurtlardaky diplomatik wekilhanalarda we serhet nokatlarynda Türkiýäniň 1 mln 763 müň 973 raýaty ses berdi.
Dünýäniň 73 ýurdunyň 167 nokadynda we serhet nokatlarynda ses bermeklik 20-nji maýda başlandy.
Serhet nokatlarynda ses bermeklik 28-nji maýa, sagat 17:00 çenli dowam eder.
Ähli býulletenler diplomatik çaparlar arkaly berk howpsuzlyk çäreleriniň görülmegi bilen Ankara eltiler. Sanaw Türkiýäniň saýlaw uçastoklary ýapylandan soňra ýekşenbe güni agşam başlanar.
ORIENT habarlar
