Awazada Halkara tans we folklor festiwaly geçer
Awaza Milli syýahatçylyk zolagynda «Awaza-2023» atly Halkara tans we folklor festiwaly geçer. Öňde boljak medeni çäre 13-16-njy iýunda bolar.
Bu barada Türkmenistanyň Medeniýet ministriniň orunbasary Nursähet Şirimow Rumyniýanyň medeniýet ministri Luçian Romaşkanu bilen duşuşygynyň barşynda aýtdy.
Türkmen wekiliýetiniň ýolbaşçysy Buharestde dowam edýän Türkmenistanyň Medeniýet günlerinde rumyn tarapynyň öňde boljak medeni çärä gatnaşmagyna gyzyklanma bildirdi.
Mundan başga-da, taraplar medeniýet babatynda hyzmatdaşlyk etmek hakyndaky hereket edýän ikitaraplaýyn ylalaşygyň ähmiýetlidigini nygtadylar, ol bilelikdäki çäreleri geçirmek üçin esas bolup durýar we onuň çäklerinde hem garşylyklaýyn Medeniýet günleri geçirilýär.
Ýatladýarys, Buharestde Türkmenistanyň Medeniýet günleri açyldy. Ony geçirmek üçin Rumyniýa düzüminde medeniýet ministrliginiň we onuň pudaklaýyn edaralarynyň wekilleri, sungat ussatlary, meşhur aýdym-saz toparlary bolan uly wekiliýet geldi.
Buharestde we Konstansda geçjek medeniýet Günleriniň maksatnamasynda — halkara maslahaty, sergi, poeziýa agşamy, Magtymgulynyň döredijiligine bagyşlanan Oguzhan adyndaky «Türkmenfilm» birleşiginiň «Istärin» filminiň görkezilişi bar.
ORIENT habarlar
