Köpçülige Android dolandyryşly iň güýçli smartfon görkezildi
Hytaýda iň güýçli iQOO Neo 8 Pro Android-smartfony bilen tanyşdyrdylar – diýip, Gizmochina portaly habar berýär.
Ol 6,78 dýuýmlyk ýasy AMOLED-ekrany bilen enjamlaşdyrylyp, onuň durulygy 2800х1260 pikseldir we täzelenme ýygylygy 144 Gs deň. Smartfonyň ekrana basma güýjüni tanamak goldawy bar.
Mundan başga-da, täze smartfonyň iki kameraly ulgamy bar, ol durulygy 50 Mp bolan Sony IMX866VCS esasy sensoryny we 8 megapikselli ultra-giň modulyny öz içine alýar. Gurluşyň öň bölüminde durulygy 16 Mp deň bolan selfi-kamera ýerleşdirilendir.
iQOO Neo 8 Pro ilkinji bolup MediaTek Dimensity 9200+ flagman çipsetini aldy, şol sebäpli AnTuTu-da – smartfonlaryň öndürijiliginiň synag edilme programmasynda 1,36 mln bal aldy.
Bu jähtde gurluşyň öndürijiligi üçin LPDDR5X görnüşindäki 16 GB iş ýady we möçberi 256 ýa-da 512 GB deň bolan saklama ýatly UFS 4.0 jogap berýär.
Smartfona göwrümi 5000 mAs deň bolan akkumulýator oturdylandyr, ol kuwwaty 120 Wt bolan tiz zarýad almagy goldaýar.
ORIENT habarlar
