Türkmen kikboksçylary Türkiýede geçen dünýä Kubogynda dokuz medal gazandylar
Türkmen kikboksçylary Türkiýede tamamlanan dünýä Kubogynda dokuz medal — bir altyn, iki kümüş we alty bürünç medal gazandylar.
Muhammetnazar Gurbannazarow 60 kg çenli agram derejesinde münberiň iň ýokary basgançagyna çykdy. Eziz Meredow (51 kg çenli) we Yslam Rahmetow (71 kg çenli) kümüş medala mynasyp boldular.
Atajan Atamyradow (54 kg çenli), Omargeldi Nurgeldiýew (57 kg çenli), Toýlymyrat Ýegeleýew (79 kg çenli), Serdar Mämmedow, Hajymyrat Geldimämmedow (ikisi hem - 86 kg çenli) we Gülzada Jorakuliýewa (65 kg çenli) bürünç medallaryň eýeleri boldular.
Türkiýede geçen ýaryşda türkmen wekiliýetine 15 adam, şol sanda 14 türgen wekilçilik etdiler.
Ýaryşlara dünýäniň 35 ýurdundan üç müňden gowrak türgen gatnaşdy. Ýaryşyň guramaçylary bolup Kikboksing guramalarynyň bütindünýä birleşmesi (WAKO) çykyş etdi.
ORIENT habarlar
