Paýtagtymyzda «Ak şäherim Aşgabat» atly köpugurly halkara sergisi açyldy
Söwda-senagat edarasynyň sergi merkezinde Türkmenistanyň paýtagtynyň gününe bagyşlanan «Ak şäherim Aşgabat» atly 12-nji köpugurly halkara sergisi açyldy.
Açylyş dabarasynda Prezident Serdar Berdimuhamedowyň gatnaşyjylara iberen gutlag ýüzlenmesi okaldy. Hususan-da, döwlet baştutanymyz gutlagynda şeýle belleýär:
— Häzirki döwürde Aşgabat dünýäniň durnukly ösýän şäherleriniň birine öwrüldi. Her ýyl geçirilýän «Ak şäherim Aşgabat» atly halkara sergide hödürlenilýän taslamalaryň aglabasy boýunça bu günki gün şäherimizi bezeýän ajaýyp binalaryň ençemesi guruldy.
Halkara görkeziliş Aşgabadyň şäher gurluşygy babatyndaky üstünliklerini, şeýle hem türkmen paýtagtyny mundan beýläkde ösdürmegiň mümkinçiliklerini iş ýüzünde görkezýär.
Ekspozisiýada Aşgabadyň keşbi, ykdysadyýetde, ylymda we bilimde, saglygy goraýyşda, aragatnaşykda, medeniýetde we ýaşaýyş-durmuş ulgamynyň beýleki ugurlaryndaky gazanylan üstünlikler görkezilendir.
Köpugurly sergi Aşgabadyň ösüşiň dürli ugurlaryndaky üstünliklerini görkezmäge mümkinçilik berer we halkara hyzmatdaşlygyny pugtalandyrar. Sergide importyň ornuny tutýan önümleriň görnüşlerini giňeldýän ýurdumyzyň telekeçiligine aýratyn üns berlendir.
Serginiň esasy konseptual pikiri – bu şäher gurluşygynyň gazananlary we geljegidir we döwletiň hem işewürligiň, ykdysatçylaryň we programmistleriň, dizaýnerleriň we işçileriň, şeýle hem şäheriň ýaşaýjylarynyň bilelikdäki tagallalary bilen çözülýän esasy wezipelerdir.
«Ak şäherim Aşgabat» sergisiniň 25-nji maýa çenli dowam edýändigini belleýäris. Bu ýyl oňa 140-dan gowrak türkmen we daşary ýurt kompaniýalary gatnaşýar.
ORIENT habarlar
