«Postshop» söwda onlaýn-platformasy Türkmenistanyň islendik nokadyna harytlaryň eltilip berilmegini hödürleýär
«Türkmenpoçta» poçta aragatnaşyk kompaniýasynyň Postshop Postshop söwda onlaýn-platformasy harytlaryň çapar arkaly Türkmenistanyň islendik nokadyna tiz eltilip berilmegini hödürleýär.
Döwrebap hyzmat arkaly öýe ýa-da iş ýerine azyk önümleriniň, himiýa önümleriniň, kanselýariýa harytlarynyň, kompýuter tehnikasy üçin serişdeleriň we başga-da köp zatlaryň eltilip berilmegini sargyt edip bolýar.
Satyn alnan harytlara tölegi nagt görnüşde, şeýle hem bank kartynyň üsti bilen geçirip bolýar.
Ulanyjylar üçin amatly bolar ýaly Postshop söwda onlaýn-platformasynyň Android we iOS goşundylary bar, olaryň üsti bilen ekrana birnäçe gezek basmak arkaly, gerekli harytlary sargyt edip bolýar. Şeýle hem sargydy (+993 65) 72-89-52 telefon belgisi arkaly hem edip bolýar.
Postshop — bu market meýdançasydyr, onuň üsti bilen satyn alyjylar islän harytlaryny tapyp bilerler, dükanlar bolsa – «Türkmenpoçta» poçta aragatnaşyk kompaniýasynyň çapar hyzmatynyň mümkinçiliginden peýdalanyp, öz önümlerini ýerläp bilerler.
Postshop söwda onlaýn-platformasynyň baş edarasy şu salgyda ýerleşýär: Aşgabat ş., Mäti Kösäýew köç., jaý 16.
ORIENT habarlar
