Russiýa Federasiýasynyň premýer-ministri Mişustin Hytaýyň prezidenti Si Szinpin bilen duşuşar
Russiýanyň premýer-ministri Mihail Mişustin duşenbe güni Şanhaýa bardy. Bu, onuň Russiýa Federasiýasynyň premýer-ministri hökmünde Hytaýa ilkinji resmi saparydyr, - diýip TASS habar berýär.
Sişenbe güni Şanhaýda Mişustin rus-hytaý işewür forumynyň umumy mejlisinde çykyş eder, Sinopec korporasiýasynyň Şanhaý nebit-himiýa gözleg institutyna baryp görer we rus işewür toparlarynyň wekilleri bilen duşuşar.
Şondan soň Russiýa Federasiýasynyň Ministrler Kabinetiniň başlygy Pekine gider. Ol ýerde Hytaýyň prezidenti Si Szinpin we Döwlet geňeşiniň premýer-ministri Li Sýan bilen gepleşikleri meýilleşdirilýär. Netijelere görä ikitaraplaýyn ylalaşyklara gol çekiler.
Hytaýyň Daşary işler ministrliginiň resmi wekili Wan Wenbin ozal Mişustiniň we Russiýanyň wekiliýetiniň saparynyň Moskwa bilen Pekiniň arasyndaky hyzmatdaşlygy hasam güýçlendirjegine, ynsanperwer we sebit alyş-çalyşlaryny baýlaşdyrjagyna we umuman alanyňda «dünýä ykdysadyýetiniň dikelmegine güýçli itergi berjekdigine» ynam bildiripdi.
Si Szinpin 20-22-nji martda Moskwa eden saparynda rus hökümetiniň Baştutanyny mart aýynyň başynda bellenen Hytaý Döwlet Geňeşiniň täze premýer-ministri bilen ýakyn aragatnaşyk gurmak üçin tiz wagtda Hytaýa çagyrdy.
ORIENT news
