Türkiýäniň gaz haby gaty gitse bir ýylyň dowamynda işläp başlar — ýurduň Energetika ministri
Tebigy gazy Ýewropa ibermek boýunça Türkiýäniň çäginden geçýän Halkara gaz haby iň uzagyndan bir ýylyň dowamynda işläp başlar. Bu barada Türkiýäniň Energetika ministri Fatih Dönmez beýan etdi.
«Onuň işläp başlamagy bilen Ýewropa ýurtlaryna has köp gaz satmaga we Türkiýäniň ulanyp biljek energiýa göterijileriň çeşmelerini diwersifikasiýa etmäge mümkinçilik dörär» — diýip, Dönmez aýtdy we Günorta Ýewropa ýurtlarynda habyň boljagyny ýa-da bolmajagyny soranoklar, olar onuň haçan işläp başlajakdygy bilen gyzyklanýarlar diýip belledi.
Dönmeziň sözlerine görä, gazy söwda ediji merkeziň üsti bilen Türkiýe Ýewropa 40 mlrd kub metre golaý gazy iberip biler, bu onuň her ýylda import edýän 100 mlrd kub metr gazyndan artykmaç bolup galýanydyr.
Häzir Türkiýe taslamanyň ýerine ýetirilmegine gatnaşyp biljek 15 ýurt bilen gepleşikleri geçirýär. Haby döretmek boýunça işler tamamlaýjy tapgyra gadam basdy.
ORIENT habarlar
