MA ýurtlarynyň saglygy goraýyş ministrlikleriniň baştutanlary lukmançylyk babatynda hyzmatdaşlygy ara alyp maslahatlaşdylar
Türkmenistanyň Saglygy goraýyş we derman senagaty ministri Atageldi Germanow Merkezi Aziýadan bolan kärdeşleri bilen duşuşyga gatnaşdy, olar bilen lukmançylyk babatyndaky hyzmatdaşlygy, şol sanda 2025-nji ýyla çenli degişli Ýol kartasyny ara alyp maslahatlaşdy.
Duşuşuk Ženewada, Türkmenistanyň BMG-niň Bölümindäki Hemişelik wekilhanasynda geçdi. Oňa şeýle hem Bütindünýä saglygy goraýyş guramasynyň Ýewropa boýunça Sebitleýin direktory hem gatnaşdy – diýip, Şweýsariýadaky türkmen diplomatik wekilhanasy habar berýär.
Türkmenistanyň saglygy goraýyş we derman senagatynyň wekilleri ýurduň raýatlaryň saglygyny goramak babatdaky ýagdaý barada gürrüň berdiler: Aşgabadyň lukmançylyk hyzmatyna deň elýeterliligi üpjün etmäge ymtylýandygy beýan edildi. Munuň üçin lukmançylyk edaralarynyň döwrebap ulgamy döredilýär we ýokary derejeli kämil hünärmenleriň taýýarlamak işi amala aşyrylýar.
Ženewa amala aşyran saparynyň çäklerinde Atageldi Germanow şeýle hem BSGG-nyň baş direktory Tedros Adhan Gebreýsus bilen hem söhbetdeş boldy. Türkmen ministri guramanyň baştutanyny 2024-nji ýylyň aprelinde ýurduň paýtagtynda Aşgabat jarnamasynyň 10 ýyllygyna bagyşlanyp geçirljek 3-nji ministrler maslahatyna gatnaşmaga çagyrdy.
ORIENT habarlar
