Täjigistanda GDA-da serhetleriň howpsuzygyny üpjün etmegiň meselelerini ara alyp maslahatlaşdylar
Maý 20, 2023 | 11:50 |11444
Türkmen wekiliýeti GDA agza-ýurtlaryň serhet edaralarynyň ýolbaşçylarynyň Täjigistanyň Guliston şäherinde geçen iş duşuşygyna gatnaşdy. Bu barada Arkalaşygyň Ýerine ýetiriji komitetiniň metbugat gullugy habar berýär.
Duşuşyga gatnaşyjylar daşarky araçäklerde serhet howpsuzlygyny üpjün etmek boýunça işleri guramagyň meselelerini, maglumatlary alyşmagy kämilleşdirmegiň we Arkalaşygyň agza-ýurtlarynyň çäklerine hukuga garşy şahslaryň girmegine garşy göreşmegiň meselelerini ara alyp maslahatlaşdylar.
Duşuşygyň GDA agza-döwletleriň serhet edaralarynyň daşarky araçäklerde geçiş nokatlarynda serhet gözegçiligini amala aşyrmakda özara gatnaşyklarynyň mundan beýläk-de ösmegine ýardam etjekdigi bellenilýär.
ORIENT habarlar
