Ysraýylda dünýäde ilkinji displeýsiz noutbuk bilen tanyşdyrdylar
Ysraýylyň Sightful startapy Spacetop atly dünýäde ilkinji displeýsiz noutbuk bilen tanyşdyrdy – diýip, Tom`s Hardware portaly habar berýär.
Gurluş bilen özara gatnaşyk hakykylyk bilen üsti ýetirilen äýnekler arkaly (AR-äýnek) amala aşyrylýar.
Spacetop gurluşy Androidyň esasynda işleýär. Ulanyjy ýörite äýnegi dakynan mahaly, onuň öňünde üsti ýetirilen hakykylykda ölçegi 100 dýuýma çenli ekran peýda bolýar. AR-garnituranyň durulygy her göz üçin 1080p deňdir.
Gajete Qualcomm Snapdragon 865 prosessory, Adreno 650 wideokarta iş ýady 8 Gb we 256 Gb girizilen ýat goýlandyr. Noutbuk 5 sagada çenli awtonom ýagdaýda işläp bilýär, onuň agramy — 1,5 kg. Spacetop Wi-Fi 6, 5 G we Bluetooth 5.1. tehnologiýalaryny göterýär.
Mundan başga-da, noutbugyň eýesinden başga hiç kim onuň näme bilen meşguldygyny görüp bilenok, sebäbi ähli kontent diňe AR-da görkezilýär. Häzirlikçe noutbuk diňe web-goşundylar bilen işläp bilýär.
ORIENT habarlar
