Türkmenistanyň Prezidentiniň Hytaýa sapary başlandy
Maý 18, 2023 | 11:49 |12530
18-nji maý, penşenbe güni irden Türkmenistanyň Prezidenti Serdar Berdimuhamedow HHR-iň Başlygy Si Szinpiniň çakylygy boýunça “Merkezi Aziýa — Hytaý” sammitine gatnaşmak üçin Hytaý Halk Respublikasynyň Şensi welaýatynyň Sian şäherine iş sapary bilen geldi.
Türkmenistanyň Prezidenti Si Szinpiniň ýolbaşçylygynda geçiriljek sammite gatnaşýan Merkezi Aziýanyň beýleki dört döwletiniň, ýagny Gazagystanyň, Gyrgyzystanyň, Özbegistanyň we Täjigistanyň döwlet baştutanlaryna goşular.
Şu ýylyň 5-6-njy ýanwarynda Serdar Berdimuhamedow HHR-iň Başlygy Si Szinpiniň çakylygy boýunça Hytaýa döwlet saparyny amala aşyrdy. Bu hormatly Prezidentimiziň Döwlet Baştutany wezipesine girişeninden soň Hytaýa ilkinji saparydyr.
ORIENT news
