«MA-Hytaý» sammiti her iki ýyldan geçiriler, indikisi – 2025-nji ýylda Gazagystanda bolar
Maý 19, 2023 | 16:52 |9632
«Merkezi Aziýa-Hytaý» sammiti indi her iki ýyldan gezekli-gezegine her ýurtda geçer. Bu baradaky ylalaşyk şu hili formatdaky ilkinji ýüzbe-ýüz sammitiň barşynda gazanyldy – diýip, Gazagystanyň prezidentiniň metbugat gullugy habar berýär.
Indiki sammit 2025-nji ýylda Gazagystanda geçiriler. Şeýle hem Türkmenistanyň, Gazagystanyň, Özbegistanyň, Täjigistanyň, Gyrgyzystanyň liderleriniň arasyndaky köptaraplaýyn gepleşikleriň netijesi boýunça Sian jarnamasynyň kabul edilendigi habar berilýär.
Sammit 17-19-njy maýda geçdi, ol Merkezi Aziýa döwletleri bilen Hytaýyň arasyndaky syýasy, söwda-ykdysady we medeni-ynsanperwer hyzmatdaşlygy çuňlaşdyrmak üçin möhüm ähmiýete eýedir.
ORIENT habarlar
