Türkmenistanyň wekiliýeti “Russiýa-Yslam dünýäsi” forumynyň çäginde birnäçe duşuşyklary geçirer
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýewiň ýolbaşçylygyndaky wekiliýet “Russiýa – Yslam dünýäsi: Kazan Forum2023" atly XIV halkara ykdysady foruma gatnaşmak üçin Tatarstanyň paýtagtyna geldi. Bu barada türkmen DIM-niň metbugat gullugy habar berdi.
Giň göwrümli çäräniň maksady Russiýanyň we Yslam hyzmatdaşlyk guramasynyň agza ýurtlarynyň söwda-ykdysady, ylmy-tehniki, durmuş we medeni gatnaşyklaryny berkitmekden ybarat bolup durýar. Türkmen tarapyndan forumyň işine hökümet agzalary, birnäçe ministrlikleriň we pudak edaralarynyň, beýleki degişli düzümleriň ýolbaşçylary hem-de wekilleri, şeýle hem Türkmenistanyň Russiýadaky ilçisi gatnaşýarlar.
Çäräniň maksatnamasynda onlarça sessiýa meýilleşdirildi, şol sanda, “Demirgazyk-Günorta” halkara ulag ugrunyň ösdürilmegine bagyşlanan mowzuga- da serediler. Taslama bu ugur boýunça ýük daşamalarda wajyp orny eýeleýän Türkmenistanyň hem gatnaşmagy meýilleşdirilýär.
Türkmenistan “Demirgazyk-Günorta” halkara ulag geçelgesi hakynda ylalaşyga resmi taýdan goşulmak isleýändigini mälim etdi we häzirki wagtda bu babatda degişli işler alnyp barylýar.
Saparyň dowamynda türkmen wekiliýetiniň birnäçe resmi duşuşyklary meýilleşdirilýär. Forumyň çäklerinde halal önümçiligine bagyşlanan «Russia Halal Expo» atly halkara sergisi geçiriler. Onda Türkmenistanda öndürilen önümler hem görkeziler.
Serginiň açylyş dabarasyna Russiýanyň Tatarstan Respublikasynyň Baştutany Rustam Minnihanow gatnaşar. Ýokary derejeli myhmanlaryň arasynda Russiýa Federasiýasynyň wise-premýerleri Andreý Belousowyň, Marat Husnulliniň, Alekseý Owerçugyň, şeýle hem Moskwanyň we Bütin Russiýanyň patriarhy “Russiýa – Yslam dünýäsi: Kazan Forum2023" atly XIV halkara ykdysady foruma gatnaşmak üçin 85 ýurtdan 7210 adam hasaba alyndy.
ORIENT news
