Prezidentimiz Serdar Berdimuhamedow Germaniýanyň kompaniýalarynyň ýolbaşçylaryny kabul etdi
Çarşenbe güni Prezidentimiz Serdar Berdimuhamedow «Goetzpartners» we «Prodoehl Consult» geňeşçi kompaniýalarynyň ýolbaşçylary – Stefan Getsi, Stefan Sanktýohanseri, Hans Prodel we Germaniýanyň işewür wekiliýetiniň beýleki agzalaryny kabul etdi.
Duşuşykda myhmanlar, german işewür toparlarynyň köp ýyllyk tejribesi we geljegi uly bolan Türkmenistan bilen ykdysady gatnaşyklary ösdürmäge gyzyklanma bildirdiler.
Döwlet Baştutany Türkmenistanyň konstruktiw hyzmatdaşlyga açykdygyny we Germaniýany Ýewropa Bileleşigindäki möhüm söwda we ykdysady hyzmatdaşlaryndan biri hökmünde görýändigini aýtdy.
Iki ýurduň hem senagat, oba hojalyk, bank pudagynda hem-de ulag we aragatnaşykda üstünlikli işleşýändigi bellendi. Birnäçe iri german kompaniýasy türkmen bazaryndaky ornuny berkitmegi başardy.
Hünärmenleriň arasynda tejribe alyşmagy we Türkmenistanda lukmançylyk edaralarynyň öňdebaryjy german kompaniýalarynyň iň täze enjamlary bilen üpjün edilmegini öz içine alýan saglygy goraýyş pudagynda uzak möhletleýin hyzmatdaşlyk munyň görkezijisidir.
Ykdysadyýetiň diwersifikasiýasy, ýurdumyzda maýa goýum işjeňligi üçin şertleriň döredilmegi hyzmatdaşlygy giňeltmek üçin täze mümkinçilikler açýar. Bu nukdaýnazardan Türkmenistanyň german işewürliginiň anyk tekliplerine garamaga taýýardygy bellendi.
ORIENT news
