Türkmenistanyň ýaşlar ýygyndysynyň CAFA (U-20) ýaryşyndaky bäsdeşleri belli boldy
Türkmenistanyň futbol boýunça ýaşlar ýygyndysynyň (U-20) 21-nji maýdan 28-nji maýa çenli Duşenbede we Tursunzadede (Täjigistan) geçiriljek Merkezi Aziýanyň Futbol birleşmesinde dördünji çempionatyndaky bäsdeşleri belli boldy.
Türkmen ýygyndysynyň CAFA-2023 ýaşlar çempionatyndaky bäsdeşleri bolup Owganystanyň, Eýranyň, Täjigistanyň we Özbegistanyň toparlary çykyş ederler.
Türkmenistanyň ýaşlar ýygyndysy (U-20) birinji duşuşygyny 21-nji maýda Owganystanyň toparynyň garşysyna geçirer. Ertesi güni türkmen futbolçylaryna Özbegistan bilen oýnamak garaşýar, 24-nji maýda olar Taýwandan gelen bäsdeşleri bilen duşuşarlar. 26-njy maýda Türkmenistanyň ýaşlar ýygyndysy Eýranyň garşysyna oýnamak bilen ýaryşy tamamlar.
Reglamente laýyklykda ýaryş bir aýlawda geçer. Çempionatyň ýeňijisi toplanan oçkolaryň iň köp sany bilen kesgitlener.
ORIENT habarlar
