Gazagystanyň prezidenti Kasym-Žomart Tokaýew 70 ýaşyny belleýär
17-nji maýda Gazagystanyň prezidenti Kasym-Žomart Tokaýew öz doglan gününi belleýär. Ol 70 ýaşady.
Ilkinji gezek Moskwanyň Döwlet halkara gatnaşyklary institutynyň uçurymy Tokaýew Gazagystana 2019-njy ýylda nobatdan daşary prezident saýlawlarynda sesleriň 70,96% alyp ýeňiş gazanyp baştutanlyk etdi. 2022-nji ýylyň 20-nji noýabrynda bolan respublikanyň prezidentiniň nobatdan daşary saýlawlarynda ol sesleriň 81,31% alyp, ýene-de ýeňiş gazandy.
«Siziň ýolbaşçylygyňyzda Gazagystan Respublikasy döwlet gurluşyny berkitmek hem-de durmuş-ykdysady ösüş ýolunda yzygiderli öňe barýar. Soňky ýyllarda dünýä giňişliginde ýurduňyzyň abraýy barha ýokarlandy» – diýip, gazak liderine iberen gutlagynda Türkmenistanyň Prezidenti Serdar Berdimuhamedow nygtamak bilen, onuň Türkmenistan bilen Gazagystanyň arasyndaky däbe öwrülen dostlukly, strategik gatnaşyklaryň berkidilmegine goşýan şahsy goşandyna ýokary baha berdi.
«Biz doganlyk Gazagysanyň soňky ýyllarda gazanan üstünligine begenýäris. Türkmenistan bilen Gazagystanyň arasyndaky hyzmatdaşlyk täze mazmun bilen baýlaşyp, meýilnamalaýyn giňelýär. Türkmen-gazak strategik hyzmatdaşlygynyň mundän beýläkde hoşniýetli goňşuçylyk ruhunda pugtalanjakdygyna çuňňur ynanýaryn» - diýip, Tokaýewiň adyna iberen gutlagynda Türkmenistanyň Halk Maslahatynyň Başlygy Gurbanguly Berdimuhamedow belledi.
ORIENT habarlar
