Türkmendeňizderýaýollary agentliginiň hünärmenleri Sankt-Peterburgda hünärini kämilleşdirýärler
Russiýanyň gämi gatnawy deňiz registri (РМРС) Türkmendeňizderýaýollary agentliginiň hünärmenleri üçin Sankt-Peterburgda hünäri kämilleşdiriş kursuny gurnady.
Okuw taraplaryň arasynda ozal gol çekilen gämileriň barlagyny geçirmek boýunça hyzmatlar üçin ygtyýarlyklary bermek we söwda deňiz ýüzüşine degişli halkara şertnamalarynyň talaplaryna laýyklykda resmileşdirmek baradaky Ylalaşyk tarapyndan göz öňünde tutulandyr.
Intensiw we jikme-jik kurs tejribe alyşmaga we deňiz ýüzüşiniň gözegçiligi we onuň howpsuzlygyny üpjün etmek üçin hünärmenleriň hünärini kämilleşdirmäge ýardam etmäge niýetlenendir.
Mälim bolşy ýaly, Türkmenistan deňiz söwda gämi gatnawy boýunça, şeýle hem gämileriň taslamasyny taýýarlamak we gurmak babatynda Russiýa Federasiýasy bilen ýakyndan hyzmatdaşlyk edýär.
Russiýanyň gämi gatnawy deňiz registri — dünýä belli öňdebaryjy klassifikasiýa jemgyýetdir, ol deňizde we içerki suw ýollarynda ýolagçylary we ýükleri daşamakda howpsuzlyk ölçeglerini ýokarlandyrmak, şeýle hem daşky gurşawyň hapalanmagynyň öňüni almaga gönükdirlen çäreleri işläp düzmek bilen meşgullanýar.
Mundan beýläk-de Türkmendeňizderýaýollary agentliginiň deňiz ulagy babatynda hünärmenleri taýýarlamakda we hünärini kämilleşdirmekde РМРС bilen hyzmatdaşlygyny ösdürmegi meýilleşdirilýär.
ORIENT habarlar
