Prezident Si Hytaýyň Nebit uniwersitetinde okaýan Merkezi Aziýaly talyplaryň hatyna jogap berdi
Hytaýyň Nebit uniwersitetinde (Pekin) okaýan Merkezi Aziýaly talyplar Hytaýyň prezidenti Si Szinpine hat ýazdylar. CGTN habarlar agentliginiň berýän habaryna görä, hatyň esasy awtory türkmenistanly talyp Rahman Baýramdurdyýew bolup, onuň adyna Hytaýyň liderinden hatyň jogaby gelip gowuşýar.
“Prezident Si ýaşlary Hytaý bilen Merkezi Aziýa ýurtlarynyň arasyndaky gatnaşyklaryň ösmegine has köp goşant goşmaga çagyrdy. Hytaýyň uniwersitetlerinde okaýan bu ýurtlardan gelen talyplar Hytaý-Merkezi Aziýa gatnaşyklarynyň diňe bir şaýatlary bolman, eýsem olar şeýle gatnaşyklary gurýanlaryň we bu barada gürrüň berýänleriň hataryna girýärler. Si ýaşlaryň sebitde dostlugyň ilçisi bolup biljekdigini aýtdy" - diýip, hatyň mazmuny barada Rahman Baýramdurdyýew gürrüň berdi.
Türkmen talyby Pekinde Hytaýyň Nebit uniwersitetinde doktorlyk programmasy boýunça okaýar, ol Merkezi Aziýa sebitinden Hytaýyň uniwersitetlerinde talyp haklary taslamalary boýunça bilim alýan köp sanly talyplaryň biridir.
CGTN Prezident Si Szinpinden gelen jogap hatynyň uniwersitetiň talyplarynyň we mugallymlarynyň ahlak ruhuny we ynamyny ýokarlandyrandygy we olaryň Hytaý bilen Merkezi Aziýanyň arasynda energiýa, maliýe, söwda, medeniýet we ylym ýaly ugurlarda hyzmatdaşlygy has-da güýçlendirmek üçin jebisleşmegine itergi berendigi barada habar berýär.
ORIENT news
