ÝTÖB-nyň prezidenti «ÝB— Merkezi Aziýa» Ikinji ykdysady forumda çykyş eder
Ýewropanyň täzeleniş we ösüş bankynyň prezidenti Odil Reno-Basso 19-njy maýda Almatyda geçjek «Merkezi Aziýa- Ýewropa Birleşigi» Ikinji ykdysady forumyna gatnaşar.
Şeýle hem çärede Ýewropa komissiýasynyň söwda we ykdysadyýet boýunça ýerine ýetiriji wise-prezidenti Waldis Dombrowskisiň we Ýewropanyň maýa goýum bankynyň wise-prezidenti Tereza Çerwinskanyň çykyş etmeklerine garaşylýar.
Forumyň çäklerinde ÝTÖB-nyň ÝB bilen Merkezi Aziýanyň arasyndaky durnukly ulag gatnaşyklary boýunça barlagy hödürleniler. Şeýle hem mejlisde ara alnyp maslahatlaşyljak temalaryň arasynda — hususy pudagy höweslendirmek arkaly sebitde işewür gurşawy gowulandyrmak, Merkezi Aziýada «ýaşyl» we sanly tehnologiýalara geçmegi höweslendirmek, ÝB bilen Merkezi Aziýanyň arasynda söwda we ulag aragatnaşyklarynyň giňeldilmegi ýaly meseleler bar.
18-nji maýda Forumyň işewür bölümi bolar, ol ykdysady hyzmatdaşlygyň möhüm temalary boýunça duşuşyklar we çekişmeler üçin meýdançany üpjün eder.
ORIENT habarlar
